Om trafikkskolen

Styrk Hofslundsengen starta med køyreopplæring i 1936. Han fekk godkjenning frå politiet i 1938 som dermed blir det offisielle skipingsåret. Me er dermed ein av landets eldste trafikkskular.
Den første bilen var ein Overland Whippet 1928 modell. Det er ein slik me har i logoen vår.
Det er no andre og tredje generasjon Hofslundsengen som driv skulen.
Me har lærarar med lang erfaring innan trafikkopplæring samstundes som me også har relativt nyutdanna folk som har komme med nye impulsar.
Me er stolte av yrket vårt og hovudmålet er å gjera deg til ein trygg og sikker førar. Me vil at du skal vera best mogeleg rusta til å fortsetja læringa på eigenhand når du har fått førarkortet.